Russia leh Ukraine-in tang inthleng dan sawidun

Russia President Vladimir Putin leh Ukraine President Petro Poroshenko te chu Inrinnni zan kha telephone-a inbiain, mi tang inthleng dan chungchang an sawidun.

Russia Parliament, Kremlin chuan hemi chungchangah hian thuchhuah siamin, mipuite dinhmunte an sawidun a, tang inthleng chungchang pawh an sawilang a ni, a ti. Vladimir Putin hian Ukraine-a Russian journalist an mante chhhuah nghal a pawimawh thu pawh a sawi niin a tarlang.

Putin leh Poroshenko-te chuan ram pahnih-a human rights commissioner-ten Ukraine-a Russia mi tangte tlawh tir a, Russia-a Ukraine mi tangte tlawh tir an remti bawk a ni.

May 15 khan Ukraine Security Service hian RIA Novosti Ukraine news agency staff-te chu ram phatsanah puhin an office an lo dapsak tawh a, chief editor Kirill Vyshinsky chu an lo man tawh a ni.

Russia leh Ukraine ramte hi inzawmna ṭha tak nei ṭhin an ni a, mahse Crimea chungchangah an inkar boruak a chhe hle a, Ukraine chhimchhak lama tualchhung buaina thlengah Russia chu inrawlhah Ukraine chuan a puh a ni.