Pakistan dictator hlui Musharraf-an inthlanah chuh dawn

Pakistan military dictator hlui Pervez Musharraf-a chuan July 25-a an ram parliament inthlanpui neih turah a chuh dawn tih a sawi.

Pervez Musharraf-a hi paihthlak a nih hnuah thubuai siamsak a ni a, hei vang hian himna zawngin ram dangah a tlanchhe zui a ni. Mahse tun hnaiah Supreme Court chuan Dubai aṭanga Musharraf-a a kir hi a phalsak a ni. Musharraf-a chuan Karachi South-II constituency-ah chuh a tum tih a sawi a, a chuh tumna hi pawmsak a nih chuan Pak Sarzameen Party nominee Mustafa Kamal, Pakistan Tehreek-e-Insaf candidate Arif Alvi, right activist Jibran Nasir leh Mutahidda Qaumi Movement-Pakistan chief Farooq Sattar-te nen an inkhing dawn a ni.

Musharraf-a hian Dubai aṭanga Pakistan-a a kir hun tur hi la sawilang lo mah se, court chuan June 13 hmaa kir turin a ti a ni. Pakistan a kir hunah man a ni dawn lo tih a sawi bawk.

Musharraf-a hian kum 1999 khan Prime Minister hlui Nawaz Sharif-a kaihhruai sorkar chu paihthlain thuneihna a chelh zui a, mahsa kum 2018-a Benazir Bhutto-i party-in thuneihna an rawn chan khan president a nihna aṭanga bang tura nawr luih a ni.