Japan bullet train-ah pawikhawihna thleng

Japan-a bullet train, Tokyo aṭanga Osaka inkara tlan, Shinkansen rel-ah kar kalta Inrinni khan mi pakhatin passenger-te chu chem nen a bei a, mi pakhat a vit hlum a, midang pahnihin hliam an tuar.

He pawikhawihna thlen hun hi an ram huna Inrinni zan dar 10 vel a ni a, police-te chuan pawikhawihtu hi Odawara station-ah an man a ni. He thil thlen lai hian rel-ah hian mi 800 chuang an chuang a ni. Pawikhawihtu hi kum 22 mi, Ichiro Kojima a ni a, hriamhrei dangte pawh a kawl nia sawi a ni.

Hetiang pawikhawihna hi Japan ramah hian a thleng khat hle. Japan ram hi developed country zinga pawikhawihna leh tharum thawhna thlen tlemna ber zingah a tel a ni.

Kum 2015 khan bullet train-ah mi pakhat chu a inhalhlum a, hei hian kangmei tichhuak zuiin passenger pakhatin a thih phah bakah mi 20 chuangin hliam an tuar a ni.