Pakistan SC-in Musharraf-a passport leh ID card pechhuak turin ti

Pakistan Supreme Court chuan an ram dictator hlui, Pervez Musharraf-a natitonal identity card (NIC) leh passport chu pe chuak turin a hriattir.

Chief Justice Saqib Nisar chuan National Database and Registration Authority (NADRA) chairman Usman Mobin-a hnenah Musharraf-a NIC leh passport an block sak chu titawp a, pe chhuak turin a hriattir a ni.

Hemi hma hian interior ministry chuan NADRA leh Directorate General of Immigration and Passports hnenah president hlui Musharraf-a hi ram phatsantua puh anih chungchang special court-in a chhui mek avangin a NIC leh passport hi tihtawp sak turin a lo hriattir tawh a ni. Mahse chief justice chuan block a nih chuan Musharraf hi Pakistan-ah a kir thei dawn lo tih sawiin, Pakistan-a kir a, a thubuaite a hmachhawn zawk a ngai a ni, a ti.

Nisar chuan Musharraf-a chu Pakistan-a a kir hunah airport aṭanga court lam a pan laia lo man lo turin thupek a tichhuak tawh bawk. Hei bakah hian Musharraf-an Pakistan a thlen hnu nihnih chhungin ram phatsantua puhna thubuai ngaihtuahtu tur tribunal pawh din nghal turin a ti bawk a ni.