Syria-ah nuai mi 9 chuang tlanchhe tawh

Kumin kumtir thla li chhungin Syria ram tualchhung buaina vangin mi 920,000 an tlanchhe tawh niin United Nations (UN) chuan a sawi.

UN regional humanitarian coordinator for Syria Panos Moumtzis chuan January leh April thla chhungin mi tam tak an tlanchhe tawh a, Syria tualchhung buaina kum sarih chhung zet a thlen chhunga hun reilote chhunga tlanchhia an tam ber ṭum a nih thu a sawi.

Tualchhung buaina leh indona thleng vang hian ramchhung hmun hrang hrangah mi maktaduai 6.2 zet an tlanchhe tawh a, an ṭhenawm rama tlanchhia hi mi maktaduai 5.6 vel an la awm mek bawk. Kum 2011-a buaina a chhuah aṭang khan mi 350,000 in nunna an chan tawh bawk bawk a ni.