'Australia most wanted man' an man

Australia police-ten man tuma an zawn, Australia most wanted man tia sawi Mostafa Baluch chu nimin khan New South Wales aṭanga Queensland-a a kal tur chu state border-ah man a ni.

Drug smuggler, kum 33 mi Mostafa Baluch hi ni 17 chhung ram pumah man tumin zawn beihpui thlak a ni. Nilaini zing khan Tweed Heads khuaah shipping container chhungah man a ni.

Baluch hi Ecuador aṭanga cocain kg 900 lakluh a tum avangin man a ni tawh a, bail-a chhuah a nih lai a ni. A awmna chin hriat theihna tura ankle bracelet a vuah chu tichhiain tlanbo a tum a, mahse police-te hian an man leh thei ta a ni. Nimin vek khan court-ah hruai nghal a ni bawk.