COP26-ah climate agreement thar an siam

Glasgow, Scotland-a United Nations climate changte conference chu ni khat pawhsei a nih hnuin kar liam ta Inrinni khan zawhfel a ni ta a, climate change do letna climate agreement thar an siam.

26th session of the Conference of the Parties (COP26)-ah hian ram 200 dawnte chuan Glasgow Climate Pact an siam. He inremna siamah hian lungalhthei hman tihtlemna tur ruahmanna pawh a tel a, hei bakah hian carbon gas tihchhuah zat titlemna na tur sawiho chhunzawm leh tura nakkuma inhmunkhawm an remti bawk. COP26-ah hian ram 100 chuang chuan kum 2030-ah ram ngaw ṭhiah tihtawp an lo tiam tawh bawk a ni.

UK prime minister Boris Johnson chuan tihtur hmabak tam tak la awm mah se, inremna an siam thei chu hmasawnna lian tak a ni tih sawiin, greenhouse gas siamtu lian ber lungalhthei hman tihtlem leh, global warming chu 1.5 degree-a tihniam tura hmalakna tura inremna hmasa siam a ni thei chu lawmawm a tih thu a sawi.

COP26 hi October 31 aṭang Glasgow-ah neih ani a, nakkuma conference chu Egypt khawpui, Sharm El-Sheikh-ah neih a ni ang.