Libya President inthlanah Muammar Gaddafi fapa-in chuh ve dawn

Libya dictator hlui, Muammar Gaddafi fapa Saif al-Islam al-Gaddafi chuan December thlaa an ram President thar thlanna neih turah a chuh ve dawn.

Kum 49 mi, Saif al-Islam hian Pathianni khan inthlana chuh tum hian Sebha khuaa election centre-ah nomination paper a thehlut a ni.

Kum 2011 October thla khan Muammar Gaddafi hi an khua, Sirte khaw daiah eptu pawl sipaite chuan manin an kaphlum a ni. A fapa Saif al-Islam pawh hi a hnu lawkah Zintan bialah Niger rama tlanchhiat a tum laiin man a ni ve bawk. Kum ruk chhung an hren hnuah thi turin a chungthu an relsak a, mahse a hnuah an hremna pek hi an sut leh a ni.