UN-in Israel demna resolution pass

United Nations chuan Gaza Strip-a Palestinian-te chunga Israel sipaite chet dan demna resolution a pass.

Gaza Strip leh Israel ramri-a Palestinian leh Israel sipaite inkara buaina chhuakah Palestinian mi tam takin hliam an tuar a ni. Palestinian-te hian ramri bulah nawrh huaihawtin, ramri hungna te tihchhiat an tum , motor ke te halin Israel ram chinah lehkhachaih hmangin puak thei thilte an chaih lut bawk. Israel sipaite chuan pungkhawmte hnawhdarh nan hian silaite an hmetpuak a, an silai hmehpuahah mi eng emaw an thi a ni.

UN-a Israel sipaite chet dan demna resolution ngaihtuahnaah, resolution thlawp lamah vote 120 tlain a thlawp lo lamah vote 8 a tla thung.

UN-a US ambassador Nikki Haley chuan he resolution siam hi sawiselin, Hamas chungchang sawilan tel a ni lo chu a dem thu a sawi. Haley-i chuan Israel-in a ram himna tura a hmalakna hriatpui a nih leh, Hamas ho firfiaka chetna tihtawp a ṭul thu hriatchian a nih hunah chuan muanna tluantling a awm thei dawn niin a sawi.

Israel Prime Minister Benjamin Netanyahu-a office chuan UN resolution pass hi a dem thu a sawi a, US ambassador-in UN-in thlei bik nei taka Israel demna thu a pass a sawisel chu a fak zui bawk.