Mexico-a Pepsi bottling plant khar

Mexico-a Ciudad Altamirano khuaa Pepsi bottling plant chu misual pawl, gang hoin an vau avangin khar a ni. Thla thum kaltaah khan Coca-Cola Femsa pawhin vauna an dawn avangin an plant hi an lo khar tawh bawk.

Pepsi plant-a thawkte chuan gang ho hian pawisa phutin an vau ṭhin niin an sawi.

US state department chuan kumin kumtir lam khan gang hoin pawikhawihna an thlen fo avangin Ciudad Altamirano khuaa zin lo tur hian an mi leh sate chu a lo hriattir tawh a ni.

Ciudad Altamirano khuaa Pepsi plant-ah hian hnathawktu 100 vel an awm. Company thuneitute chuan plant hi khar hlen a ni dawn lo tih an sawi a, mahse hnathawktute erawh chuan an hna an chan phah an hlauhthawn thu an sawi.