Nicagarua president ban phutin nawrh huaihawt

Nicaragua President Daniel Ortega ban phutin hun eng emaw chen nawrh huaihawt a ni tawh a, hei hian mipui nungphung pawh a tihkhailhlak hle.

Ningani khan darkar 24 chhung rampum huap­­­in nawrh huaihawt leh a ni a, an ram khaw­pui Managua-ah chuan sum­dawnna hmunte khar vek niin buaina a chhuak lo a, mahse khawpui dangah erawh tharum thawhan a thleng a ni. Ningani-a nawrh huaihawtnaah hian mi pathum an thi a, kar riat chhung zet nawrh huai­hawtnaa thi hi mi 160 an tling tawh a ni.

Nimin khan nawrh huaihawt mek tihtawp a nih theih dan ngaihtuahin eptu leh sorkar aiawhten an inbia a ni. Roman Catholic Kohhran chuan a hmain buaina chinfel dan ngaihtuahin hma a lo la tawh a, mahse inremna an ziahpui thei lo a ni.

Nicagarua sorkarin pension tihtlem leh social security programme tana sum dah a tihtlem avanga lungawi loin, April 19 aṭang khan nawrh huai­hawt ṭan a ni. A hnuah sorkarin he thutlukna hi sut leh mah se President Ortega kaihhruai sorkar lakah lungawi lohna lantir chhunzawm zel a ni.