Egypt cabinet thar lalut

Egypt Prime Minister Mostafa Madbouli-a kaihhruai sorkara cabinet thar chu Ningani khan lakluh a ni.

Defence minister an kum 2012 August thla aṭanga Republican guard kaihruaitu General Mohamed Zaki chu dah a ni a, kum 2014-a Pre­sident Abdel-Fattah al-Sisi lakluh a nih aṭanga he dinhmun lo chelh tawh Sedqi Sobhi a thlak a ni. Kum 2017, October thla aṭanga National Security department hotu Mahmoud Tawfik chu Inte­rior Minister atan dah a ni.

Egypt-ah hian fir­fiakten pawi­khawihna an thlen nasa hle a, security force leh civil mi tam tak firfiakte kut tuarin an thi tawh a ni. Hei vang hian security portfolio pawh hi siksawi nia ngaih a ni. Kumin February thla aṭang khan sipaite chuan Sinai Peninsula leh Libya ramri bul, Western Desert-ah firfiakte lakah beihpui an thlak a, beihpui thlaknaah hian firfiak 286 leh sipai 37 an thi tawh a ni.

Member 33 awmna, Egypt cabinet hi Prime Minister Madbouli-an hoin, a ni hian housing mi­nistry a chang bawk. Cabinet-ah hian hmeichhia pariat an tel a, hmel thar 12 an awm bawk.