Greece Prime Minister-in fiahna a paltlang

Greece Prime Minister Alexis Tsipras chuan Macedonia hming thlak tum chungchangah nimin khan fiahna a paltlang.

Tsipras leh Macedonia prime minister Zoran Zaev-te chuan Greece ṭhenawm, Macedonia ram hming hi Republic of North Macedonia tia thlak an remti a ni. Hei hi Greece hmarlama Macedonia province nena hriat pawlh an nih lohna tur atana tih a ni. Mahse hei hi eptu lam chuan duh loin, Macedonia hming thlak a remtihpui avangin PM rin tawk lohna hi Parliamaent-ah an put lut a ni.

Parliament-a PM fiahnaah hian PM thlawptu lamah vote 153 tlain, a thlawp lo lamah vote 127 a tla thung. PM hian fiahna a paltlang tak avangin Macedonia ram hming thlak chungchanga inremna ziakfel tur hian Greece leh Macedonia foreign minister-te chu ramri-ah an inhmu dawn a, he hunah prime minister-te pawh an tel ang.