SKorea leh US-in military drill titawp dawn

South Korea leh United State chuan an ram sipaiten military drill an neih mek chu tihtawp a nih thu tunkar chhung hian an puang rin a ni. Hemi rual hian NKorea-in a nuclear ralthuamte tihbo tura a intiamna chu a zawm lo a nih chuan military drill hi an nei ṭha leh dawn nia sawi a ni.

US President Donald Trump chuan kar hmasaa-a Singapore-a North Korea hotu Kim Jong-un nena meeting an neih hnu kha, South Korea leh US sipaiten indo nunchan an zir ṭhin chu tihtawp a lo tiam tawh a ni. Hei hi Korean peninsula-a boruak muanawm a awm theihna tura hmalakna atana thil pawimawh niin a sawi.

President Trump-an war games tihtawp a nih thu hi puang mah se, SKorea-a US sipate chuan drill titawp tura hriattirna hi an la dawng lo niin an sawi. President Trump-an drill tihtawp tur a tih hian eng ang chin nge a huam dawn tih an la hrechiang lo niin a tarlang.