Venezuela club-a inpawngneknaah mi 17 thi

Venezuela khawpui, Caracas-a night club-a inpawngnekna thlengah mi 17 an thi.

Caracas khawthlang lam, El Paraiso district-a Club Los Cotorros-ah Inrinnni zan khan party-a kalte zingah insualbuai an awm a, tear-gas canister chu tipuakin club chhunga awmte chu tlanchhuah tumin an innekbuai zui ta a ni. He thil thlen lai hian club-a hian mi 500 vel an awm a, an zinga a tam zawk chu school year kumtawp lawma kal niin, thi zingah hian kum tling lo eng emaw zat an awm bawk a ni. 

Interior Minister Néstor Reverol chuan night club-a inpawngnekna thleng kaihhawihah hian mi eng emaw zat man an ni tawh tih sawiin, an zinga hian kum tling lo pahnih an tel tih a sawi.