Afghan President-in Taliban nena inbiak remti

Afghanistan president Ashraf Ghani chuan Taliban firfiakte pawl chu Qatar khawpui, Doha-ah inremna kawng zawnga inbiakna neihpui a remti niin Qatar foreign ministry special envoy Mutlaq Al-Qahtani chuan a sawi. 

Qatar palai hian Afghanistan High Council for National Recon­ciliation chairman Abdullah Abdullah nena Kabul-a an inkawm hnuah, President Ghani-a'n inbiak a remtih thu hi a sawi a ni. Qatar hian Afghanistan sorkar leh Taliban-ten inremna an siam theihna palai hna a thawk a ni. 

Meeting neih hun tur hi puan zar a ni lo a, mahse sorkar chuan February thlaa US leh Taliban-ten inremna an siam tawh angin, Taliban mi leh sa, jail-a tang mek 5,000 te chhuah a remti bawk nia sawi a ni.