Australia PM-in khuahkhirhna thlahdul

Australia prime minister Scott Morrison chuan Covid-19 vanga an rama khuahkhirhna siamte chu thlahdul chhoin, thla thar aṭangin sports stadium-te pawh hawn phal a ni tawh dawn. 

PM chuan sporting match, concert leh festival te pawh thla thar aṭang chuan phal a ni dawn tih a sawi a, mahse heng hmunah hian seat awm zat aṭanga 25% zel chauh awm phal a ni ang, a ti. Mipuite chu inhlata an awm a ngai a, heng hmun hawn huna dan hman turte pawh health officer-te nen duan mek a nih thu a sawi. .

Morisson chuan US-a mi hang, George Floyd thah a nih chungchanga lungawi lohna kal zel, Black Lives Matter tih nawrh huaihawtna an rama neih ve a nih chungchangah,  kawngzawhnaa telte a dem thu a sawi. 

PM chuan hripui leng mek a nih avangin nawrh huaihawtnaa telte hian an nunna dinhmun derthawngah an dah a ni ringawt lo a, midangte nunna thlengin an tiderthawng a ni, a ti.