Mali-a UN sipai 100 chuangin Covid-19 kai

United Nations secretary general Antonio Guterres chuan Mali rama  UN Multidimensional Integrated Stabilization Mission hnuaia UN sipai awm mek zinga 100 chuangin Covid-19 an kai a, an zinga pahnih chuan an thihpui thu a sawi. 

UN Security Council meeting-ah hemi chungchang hi sawichhuakin Guterres chuan, "Mali ram pawh hripui leng lakah a him lo a, kan sipaite pawh an him tawh bik lo a ni. Hri kai hi mi 100 chuang an awm tawh a, mahse an zingah tam zawk erawh chu an dam leh tawh a ni. Sipai pahnih erawh chuan an thihpui a ni," a ti. Mali ramah hian hri kai hmuh chhuah tawh hi mi 1,722 an awm a, mi 97 in an thihpui tawh a ni.