New Jersey arts festival-a silai hmehpuahah mi 22 hliam

US-a New Jersey state-a Trenton khuaa arts festival hmannaah Pathianni zan khan mi pahnihin silai an pawng kah a, mi 22 in hliam an tuar. Silai hmetpuaktu pakhat zawk chu police-ten an kaphlum a, pakhat chu man a ni bawk.

Police-te chuan Pathianni zan dar 7, an ram huna tlai dar 3 velah khan mi pahnihte hian Trenton Art All Night Festival hmanga mi 1,000 vel awmkhawmna hmunah silai hi an pawng hmehpuah niin an sawi. Hliam tuar zinga mi pali-te chu an dinhmun a ṭha lo hle niin an sawi bawk.

Pawikhawihna an thlen chhan hi hriat chian a la ni lo a, ralthuam eng emaw zat hmuh nia sawi a ni. Trenton Art All Night Festival hi a vawi 12-na niin, local artist-te tana sum tuakna atana buatsaih ṭhin a ni. Inrinni zan aṭanga Pathianni zan thlenga neih ṭhin a ni.

Festival buatsaihtute chuan pawikhawihna thleng chu pawi an tih thu leh, hliam tuarte an tawrhpui thu an sawi.