Japan-ah magnitude 6.1-a nain lir a nghing

Japan khawthlang lam, Osaka bialah nimin zing khan magnitude 6.1-a nain lir a nghing a, mi pathum an thi a, midang 90 chuangin hliam an tuar.

Takatski-ah lirnghing vanga swimming pool bang chimin hmeichhe naupang, kum 9 mi a delh hlum a, Osaka khawpuia in chimin kum 80 mi a delh hlum bawk. Police-te chuan Ibaraki khuaah lehkhabu bawm tluin kum 80 mi a delh a, damdawi in panpui a nih hnuah a thi niin an sawi bawk.

Tualchhung thuneitute chuan lirnghingin chhiatna a thlen hrang hrangte enfiah mek a nih thu sawiin, thi zat pawh an la punchhoh an rin thu an sawi.

Japan disaster manage-ment minister Haricho Okongoi chuan Osaka-ah in chim hnuai a tang mi eng emaw a an awm thu sawiin, heng mite chhanchhuah hna hi thawh mek a nih thu a sawi. Lirnghing vang hian hmun eng emaw zatah kangmei a chhuak bawk. Kansai Electric Power Co. chuan lirnghing vang hian Oskaka leh a ṭhenawm Hyogo bialah chhungkaw 170,000 velin power supply an nei lo niin a sawi.

Transport ministry chuan Shinkansen bullet train leh tualchhunga rel service-te tihtawp a ni a, hei vang hian khualzin sang tel an tangkhang niin a sawi. Khualzin tangkhangte ṭanpui hna hi thawh mek anih thu a sawi bawk.