Nepal leh China-in inremna ziak dawn

Nepal Prime Minister KP Sharma Oli chuan vawiin hian ni nga cham turin China a tlawh dawn a, a cham chhung hian Kerung, Tibet leh Nepal khawpui Kathmandu inkara rel kawng siamna tur inremna an ziak ang.

Oil hi China-ah hian June 19-24 chhung a cham dawn a, China ram hruaitute chu Belt and Road Initiative hnuaia project hrang hrang siam leh, China-in India-Nepal-China economic corridor siam a tum chungchangte a sawpui dawn a ni. Ram pahnihte thawhdunna tur MoU pawh eng emaw zat an ziak dawn niin PM Oli chuan a sawi. Kerung-Kathmandu inkara rel kawng siam tur hi kum li chhunga zawh hman tum a ni.