US-in Russia, China leh ram 8-te sakhaw zalenna rahbehna ramah puang

United States chuan Russia ram chu sakhaw zalenna rahbehsakna ram zingah a puang tel tih state department chuan an sawi.

US secretary of state Antony Blinken chuan religious freedom blacklist-ah hian Russia bakah China, Myanmar, Eritrea, Iran, North Korea, Pakistan, Saudi Arabia, Tajikistan leh Turkmenistan te telh thar an ni tih a sawi a ni.

Hetih lai hian Blinken-an tun kar chhunga a tlawh tur, Nigeria erawh chu list aṭangin paih a ni thung. Nigeria hi nikum khan he list-ah an telh a ni.

Blacklist-ah telh la ni lo, Algeria, Comoros, Cuba leh Nicaragua ramte chu enthlak mek an ni bawk.

"United States chuan mitin leh ramtin te'n sakhua emaw rinna lam kawngah emaw zalenna an neih theih nan kan din sak zel dawn a ni," tiin Blinken chuan a sawi. "Khawvel hmun tam takah hian sorkarin sakhaw thil vanga mi sawisak, man, vau leh tihhlum an nei fo a ni," a ti.

Blinken hi America ram pathum tlawh kualin a zin chhuak mek a, Nigeria bakah Kenya leh Senegal ramte a tlawh ang.