Turkey-in ram enthlatua puh Israel mi nupa chhuah

Turkey chuan an ram khawpui, Istanbul-a President Tayyip Erdogan chenna in a ruka thla an lak avanga enthlatua puha a man, Israel mi nupa chu a chhuah zalen ta tih Israel prime minister leh foreign minister-te chuan nimin khan an sawi.

Israel prime minister Naftali Bennett chuan Israel mi nupa,Mordi leh Natali Okninte-te hi enthlatu an nih loh thu sawiin, Israeli agency tana hna thawk an ni lo, a ti. Chhuah an nih theihna atan hian Israel chuan Turkey sorkar be turin palai a tir a ni.

"Turkey nen hma kan lak dun hnuah Mordi leh Natali Oknin te chu tanin aṭanga chhuahtir niin, Israel-a an inlam panin an haw leh thei ta a ni," tiin Bennett leh foreign minister Yair Lapid chuan thuchhuah inṭawm an siam. Turkey Preisident leh a kaihhruai sorkar chungah lawmthu an sawi bawk.