China-ah Kim Jong-un a zin

North Korea ram hotu lu ber, Kim Jong-un chu nimin khan ni hnih cham turin China-ah a zin.

Kim hian China President Xi Jinping hmuin, ram pahnihte inlaichinna chungchangte a sawipui dawn a, hei bakah hian kar kaltaa Singapore-a US President Donald Trump nena meeting an neih ṭuma an thurelte pawh an sawidun rin a ni bawk.

North Korea ram ṭhianṭha, China hian Trump-Kim summit neih hnuah NKorea ram hrekna hlih hi a lo rawt tawh a ni. US chuan China hi NKorea nena an inṭhianṭhatna chu NKorea nuclear programme titawp tura nawrna tura hmang ṭangkai turin a lo nawr fo tawh a ni.

Kim hina March thla hnua China a tlawh ṭum thumna a ni. A zin chungchang a hmain China hian a puangzar ngai lo a, a haw hnuah a sawichhuak chauh ṭhin.