Indo- nesia-ah mi 80 phurtu lawng a pil

Indonesia-a Sumatra thliarkara dilah Thawhṭanni khan mi 80 phurtu lawng a pil a, mi pakhat a thi a, midang 18 chu chhanchhuah niin, chhanchhuah hna hi thawh chhunzawm mek a ni

Disaster Mitigation Agency thupuangtu Sutop Purwo Nugroho chuan khua a ṭha lo hle tih sawiin, Thawhṭanni tlai dar 5.30 vel khan lawng hi Lake Toba-ah a pil niin a sawi. Lake Toban hi m 1,145 biala zau niin, hmanlaia tlangkang invawrhchhuak aṭanga insiam a ni a, khualzinte tlawh a hlawh hle. Lake Toba hi Sumatara hmarlama awm niin, Indonesia khawpui Jakarta aṭanga hmarthlang lam km 1,300 vela hlaa awm a ni.

Local disaster agency official Maher Tamba chuan khua chhiat vang leh tuifawn sang chuan chhanchhuah hna thawh a ti khaihlak hle niin a sawi.

Indonesia-ah hian thliarkar 17,000 vel zet awmin inkalpawhna atan lawng an hmang nasa a, lawng chetsualna pawh hi a thleng fo a ni. Kar hmasa khan Sulawesi thliarkarah mi 40 chuanna lawng a lo chesual tawh bawk a, mi 10 chuang an thi a ni.