US Constitution original copy USD mtd 43 in hralh

United States ram danpui, Constitution original copy chu Ningani khan lilamna hmunah USD maktaduai 43 in an hralh a, lilamnaa historical document an hralh to ber ṭum niin world record a siam tih Fine arts company, Sotheby chuan a sawi.

Lilamnaa an hralh hi US charter copy la hmuh theih 11 zinga pakhat a ni. September 17, 1787 khan America founding father George Washington, Benjamin Franklin leh James Madison-te chuan Philadelphia-a Independence Hall-ah an hming an ziak a, a kum lehah nemngheh a ni.

US Constitution original copy leitu hi a hming puanzar a ni lo. Cryptocurrency investor pawl chuan he document lei nan hian USD maktaduai 40 an thehchhuak a, mahse an chang lo a ni.

Sotheby thupuangtu chuan commission nen USD mtd 43.2 in an hralh tih sawiin, lilamnaa historial document hralh to ber record a siam a ni.