Austria-ah vawiin aṭangin complete lockdown kalpui dawn

Austria ram chuan Covid-19 hri kai an pun zel avangin vawiin aṭangin ram pumah complete lockdown a kalpui dawn. Hun eng emaw chen hnua Europe ram zinga complete lockdown puang leh hmasa ber a ni.

Chancellore Alexander Schallenberg chuan sorkar hmalakna chu thlawp turin mipuite a ngen a, ni 20 chhung chu midang nen inpawh loa awm tur leh, Krismas boruak ṭha tak an neih theihna tura theihtawp chhuah turin a ngen.

Complete lockdoawn hi vawiin aangin ni 10 chhung awh tura tih phawt a ni a, mahse hemi chhung hian hri kai thar hian ziaawm lam a pan loh chuan ni 10 dang pawhsei leh a ni ang.

Sorkar chuan nakkum February thla aṭang chuan puitling chin Covid vaccine lak ngei ngeina tur thupek siam a tum bawk. Tunah hian Europe ram zingah vaccine la tlemna ber zingah telin, vaccine la thei zingah dose kima la hi 66% vel chauh an la awm.

Schllenberg chuan, "Hri leng thawh li na emaw, a thawh dang emaw a thlen belh zel kan duh lo a ni. Nakkumah hetiang thil hi sawizui a ngaih leh kan duh lo," tiin lockdown puan a nih chungchang a sawifiah. An ram mipuite vaccine la duh lo tam tak an la awm chu pawi a tih thu sawiin, hetianga khuahkhirhna khauh tak siama hma lak a ngai chu hrehawm pawh a ti hle tih a sawi a ni.