Taliban-ten Afghanistan sipai 30 kaphlum

Afghanistan-a Taliban firfiakte chuan sorkar nena inkahhai puan an tihtawp thu an sawi hnuah nimin zing khan Badghis province-ah Afghan security force-te beiin, sipai 30 an kaphlum.

Eid al-Fitr holiday pualin sorkar leh Taliban te hian ni thum inkahhai an puang a, Afghanistan sorkar chuan inkahhai puan hi chhunzawm a duh thu sawi mah se, Pathianni khan Taliban-te chuan an titawp a ni.

Provincial governor Abdul Qafoof Malikzai chuan Taliban-te hian nimin zing khan security post pahnih an bei tih a sawi a, hmun hrang hrang aṭangin firfiakte hian an bei niin a sawi.