Nepal leh China- in inremna pariat an ziak

Nepal leh China chuan nimin khan thawhdunna tur inremna thuthlung pariat an ziak a, an inremna ziah hi US dollar tluklehdingawn 2.4 hu a ni.

Nepal Prime Minister KP Sharma Oli chu ni nga cham turin China-ah hian a zin mek a ni. Thawhdunna tur inremna pariat hi nimin khan Beijing-a Nepal embassy-ah an ziak a, a dang pawh vawiin-a Oli leh China Prime Minister Li Keqiang-ten meeting an neih hunah ziah belh leh a ni ang.

Nimina inremna hi sorkar pahnih leh private sector-te thawhhona tur a ni a, Chinese investor-te chuan Nepal rama hydroelectricity, water resources, cement factory, fruit cultivation leh farming lam tihchangtlunna turin sum tam tham tak an invest dawn a ni.