New Zealand PM-in fanu nei

New Zealand Prime Minister Jacinda Ardern chuan Nilaini khan fanu a nei a, a kawppui Clark Grayford nena an fa hmasa ber a ni.

PM Ardern-i chuan a naute neih thu hi a Facebook page-ah dahin, Nilaini tlai dar 4.45-ah Auckland City hospital-ah fanu kg 3.31-a rit a neih thu a sawi. Kum 37 mi, Ardern-i hi ram khat hruaitu nihna dihmun chelh laia nau nei pahnihna a ni a, kum 1990 khan Benazir Bhutto-i chuan Pakistan PM a nih laiin naute a lo nei tawh bawk a ni.

Ardern-i chuan nau neih chawlh kar ruk chhung a la dawn tih a sawi a, hemi chhung hian New Zealand First party hotu leh deputy prime minister Winston Peters chu acting prime minister a ni ang. Peters hian Ardern-i nau neih hma hian a mawhphurhna ṭhenkhat chu a laksak tawh bawk a ni.