Vatican diplomat hlui kum nga tang turin hrem

Vatican court chuan diplomat hlui, Monsignor Carlo Alberto Capella chu a mobile phone-ah naupang thlalak leh video duhdak lo tak eng emaw zat a lo kawl avangin kum nga tang turin a hrem.

Capella awmdanah hian rinhlelhawm a awm nia Vatican thuneitute hriattir an nih hnuah nikum khan US aṭangin koh kir a ni. US chuan an ramah thubuai siamsak a nih theih nan diplomat a nih anga danin a humna chu hlip turin a lo ngen tawh bawk. Canada police-te pawhin a hnuah Capella man theihna thupek hi a tichhuak a ni. Diplomat hlui hi Vatican tan-inah tantir a ni dawn a, dollar 5,800 a chawi dawn bawk a ni.