Singapore-in Trump-Kim summit-ah dollar mtd 12 seng

Singapore chuan June 12-a US President Donald Trump leh North Korea hotu Kim Jong-un te summit an thlena an senso chu dollar maktaduai 12 a nih thu a sawi a, heihi a hmaa report aiin a tlem zawk a ni.

Foreign ministry chuan summit neihna atana an sum sen zinga a tam ber chu security atan hman a nih thu a sawi a, an hmanna kimchang erawh a tarlang lo. Foreign minister Vivian Balakrishnan an sum sen hian Kim-a hotel thlenna man pawh a huam tel niin a sawi. Trump leh Kim hi Singapore-ah hian ni thum ve ve an cham a ni.