Mexico-a Ocampo police-te an vaiin hreng

Mexico-a Ocampo khuaa police force-te chu mayor candidate thahnaa inhnamhnawiha rinhlelh an nih vangin an vaiin hren a ni.

Kar kalta Ningani khan mayor candidate, Fernando Ángeles Juáre (64) chu mi tu tih hriat lohten an kaphlum a ni. Angeles hi kar khat chhunga Michaocan state-a politician thah pathumna a ni. July 1-a inthlanpui nei tur, Mexico ramah hian kumin chhungin politician 100 chuang thah an ni tawh. Pathianni zing khan federal force-te chuan tualthahnaa inhnamhnawiha rinhlelh, Ocampo police 27 bakah public security secretary-te an man a ni.

Angeles hi sumdawng hlawhtling tak niin, politics lamah tawnhriat a la nei tam lo hle. Mayor thlanna turah hian independent-a chuh a tum a, mahse a hnuah centre-left Party of the Democratic Revolution (PRD) zawmin he party hming hian a ding a ni. A thawhpui hnai takte chuan retheih, intluktlan lohna leh eirukna nasa tihbo a duh avangin inthlan pawh hi chuh a tum ve ta niin an sawi.

Pathianni khan Mexico-ah hian President, Senator leh Chamber of Deputies member tur thlan a ni dawn a ni.