Vietnam-ah tuilian leh leimin vangin mi 15 thi

Vietnam ramah ruah nasa taka a sur vanga tuilian leh leimin thlengah mi 15 an thi a, chin hriat lohin mi 11 an awm.

Natural Disaster Prevention and Control committee chuan ruahsur nasa hian tuilian siamin, hmun tam takah lei a min a, in eng emaw zat a chim niin a sawi. Ha Giang province-ah mi pathum an thi a, Lai Chau province-ah mi 12 an thi bawk. Leimin hian kawng tam tak a hnawh a ni. Tuilian leh leiminin infrastructure, in leh ram a tichhiat hlut zawng hi dollar maktaduai 6 vel nia chhut a ni. Vietnam ramah hian kum tinin tuilian leh leimin hian chhiatna nasa tak a thlen fo a ni.