Israel missile-in Damascus Airport bul kap

Syria state news agency SANA chuan nimin zing khan Damascus international airport bul chu Israel missile pahnih hmanga kah a nih thu a sawi.

Syrian Observatory for Human Rights war monitor chuan heng missile-te hi Syrian air defence system chuan a lo man fuh lo niin a sawi. Zing dar 1 velah airport bul hi Goland Heights lam aṭangin Israel thlawhtheihna hmangin missile-a kah a ni tih a sawi. Heng missile-te hi Syria sorkar thlawptu pawlte ralthuam dahna leh warehouse te tihchhiat tuma kah a ni tih a sawi bawk.

Israel hian Syria sipaite hmun a lo bei fo tawh a, Damascus airport pawh hi a lo bei tawh a ni. Pathianni khan Israel chuan Syria-Iraq ramri bula Syria sorkar thlawptu, Shiite fighter te beiin mi 40 an that a ni. Hetihlai hian Syria sorkar chuan a ram chhunga firfiak pawlte thlawpah Israel hi a puh a, Israel-in beihpui a thlak ṭhin pawh hi firfiakte puihna atana ti niin a puh a ni.