US President Biden-a'n kum 2024 inthlanah chuh leh tum

US president Joe Biden chuan kum 2024-a US President thlanna neih turah chuh leh a tum.

White House press secretary Jen Psaki chuan hemi chungchangah zawhna a chhannaah, Biden hian 2024 inthlan chuh leh ngei a tum thu hi a nemnghet a ni. Washington Post pawhin Biden hian a thawhpui hnaivai takte hnenah inthlan leh hunah din a tum tih a hrilh niin a lo tarlang tawh bawk.

Hetih lai hian Quinnipiac University-in mipui ngaihdan a lakah President Biden duhtu hi an tlahniam hle a, 36% chauh niin hei hi US President a nih hnuah approval rate a hniam ber ṭum a ni.

Kum 79 mi, Biden hian inthlan awm leh tura chuh tum mah se, he inthlanah hian a vice prsident Kamala Harris chu thawhpuiah a thlang leh dawn em tih erawh White House chuan a sawilang lo thung.