Bulgaria-a bus chesualah mi 45 an thi

Bulgaria khawthlang lamah nimin zing khan khualzin phur bus chesualin a kang zui a, mi 45 an thi. Thi zingah hian naupang 12 an tel. Mi pasarihin hliam an tuar bawk.

Bus hi Northern Macedonia register a ni a, Bulgaria khawpui, Sofia chhimthlang lam, Bosnek khaw bulah an ram huna zing dar 2 velah a chesual a, a chetsualna chhan tak hi hriatchian a la ni lo. He bus-a chuangte hi Turkey khawpui, Istanbul-a chawlh hmang zo Northern Macedonia lama an kir lam an chesual ta a ni.