Russia leh ASEAN-in joint naval exercise nei dawn

Russia leh Association of Southeast Asian Nations (ASEAN) chuan December 1-3 hian Indonesia tuipuiah a ṭum khatna atan joint naval exercise an nei dawn.

ASEAN-a Russia ambassador Alexander Ivanov chuan hemi chungchang hi sawiin, drill hi North Sumatara area-ah neih a ni dawn a, he hunah hian Russian Navy Pacific Fleet zinga mi anti-submarine lawng lian, Admiral Panteleyev pawh a tel tur thu a sawi.

October 28-a ASEAN leh Russia-in online summit a neihah khan hei hi an rel a, he summit-ah hian Russia president Vladimir Putin pawh a tel a ni."He exercise hi Russian Navy leh ASEAN ram navy-te thawhhona ṭha zawk siam a, tuipui lamah security ṭha zawk a awm theihna tura tih a ni," tiin Ivanov chuan a sawi.

Kum 1996 aṭang khan Russia hi ASEAN thawhpui ṭha tak niin, kum 2016-a Sochi-a Russia-ASEAN summit neihah khan thawhdunna thuk zawk neihna turte pawh an lo siam tawh a ni.