Rohingya mite thahnaah sipai hotute inrawlh - Amnesty

Amnesty International chuan Myanmar sipaiten Rakhiens state-a Rohingya Muslim-te laka beihpui an thlak a, Rohingya mi tam tak thihna thlengah sipai hotu lute chu an inrawlh niin a sawi.

Sipaiten beihpui an thlak avang hian Rakhine state aṭang hian Rohingya mi nuai sarih chuang zet chu Bangladesh ramah an tlanchhia a ni. Mahse sipaite chuan Rohingya mipui nawlpui laka beihpui thlak nia puhna hi phain, August 2017-a police post beitu Rohingya helte chauh an bitum niin an sawi thung.

Mahse Amnesty report chuan Rohingya mite beih an nih chungchang hi army commander-in-chief Min Aung Hlaing leh sipai hotu senior 12 te chuan an hriatpui vek niin a sawi thung. Sipaite chu rawng taka che a, pawngsual leh nghaisaknate thlenah an puh a, tlanchhiat loh theih loha dinhmun hrehawm taka Rohingya-te siamah a puh a ni.