Supreme Court-in Trump-a travel ban thlawp

US President Donald Trump-an Muslim tamna ram ṭhenkhat te an rama luh khapna thupek a siam chu Thawhlehni khan US Supreme Court chuan a thlawp.

President Trump-an travel ban a siam chungchang hi Supreme court chuan ngaihtuahin, jugdge panga-in an thlawp a, a thlawp lo judge pali an awm thung. Supreme Court-in a pawmpui tak avangin nikum September thlaa Muslim ram aṭanga luh tumte khapna thupek a siam, lower court-ten an lo dansak chu President Trump chuan a kalpui thei dawn ta a ni.

Chief Justice John Roberts chuan sorkar chuan ram himna a ngaih pawimawh zia a tichiang niin a sawi. President Trump chuan travel ban a siamna chhan chu Isamic firfiak laka an ram humhim a tumna a ni tih a sawi. He khapna dan, nikum September thlaa a siamah hian Muslim tamna ram, Iran, Libya, Somalia, Syria leh Yemen ram aṭanga US-a luh khap a ni. Supreme Court chuan nikum December thla khan he thupek hi hman a remti a, mahse President thupek hi state eng emaw zatin an khing let thung.