US leh Russia-in Trump-Putin summit neih remti
US leh Russia chuan hun rei tak tihkhawtlai tawh, US President Donald Trump leh Russia President Vladimir Putin-te summit neih tur chu a thuphungin an remti tawh.
President Putin leh UN National Security Adviser John Bolton ten meeting an neih hnuah he thu hi an puang a ni. Ram pahnih hruaitute meeting neih hun tur tihchian la ni lo mah se, Trump chuan thla thara Brussels-a Nato summit zawh hnuah an nei thei dawn niin a sawi. Hei bakah hian meeting hi Finland khawpui, Helsinki-ah neih a ni maithei tih a sawi bawk.
Trump chuan Putin nena meeting an neih hunah an Syria tualchhung indona thleng mek leh Ukraine dinhmunte a sawipui dawn tih a sawi bawk. Trump hian nikum November thla khan Vietnam-a Asia-Pacific summit neihnaah Putin hi a lo hmu tawh a ni.
US leh Russia ram hruaituten meeting an neih tur thu hi Kremlim foreign policy adviser, Yuri Ushakov pawhin a puang bawk a, meeting neihna tur hmun leh a hun chu nidangah official-a puan a la ni dawn tih a sawi.