Kum 2017 chhungin naupang 10,000 thah an ni
United Nations report chuan kum 2017 chhung khan khawvel ram hrang hrangah kum tling lo, naupang 10,000 chuang zet thah an ni tih a sawi a, tam tak chu helpawla tel tura nawr luih an nih bakah pawikhawihna thlentu atante hman luih an ni, a ti.
Kum 2017 chhung hian naupang dikna chanvo palzutsak chungchang report 21,000 chuang a awm a, hei hi a kum hmasa aiin a pung nasa hle niin "Children and Armed Conflict" report chuan a tarlang.
UN chuan nikuma Yemen rama naupang thi 1,300 chuang zet zinga a zahve aia tam chu US thlawpa Arab ṭangrual ramte beihpui thlaknaa thi niin a sawi. Saudi Arabia leh United Arab Emirates ten Yemen sorkar laka hel, Houthi pawl laka beihpui an thlak avangin Yemen mipuite hian an tuar nasa tawh hle a ni.
Report chuan naupang dikna chanvo palzutna thleng zinga a tam zawk hi Iraq, Myanmar, Central African Republic, Democratic Republic of the Congo, South Sudan, Syria leh Yemen-a thleng a nih thu a sawi bawk.