Korea ram pahnihten joint team siam dawn

North leh South Ko­rea-te chuan Asian Games neih tura inelna chi thum - coneing, rowing leh women's basketball-ah joint team siam an tum.

Jakarta-a meeting neih zawh hnua reporter-te a kawmnaah, Games deputy chairman Sjafrie Sjamseoddin chuan Korea ram pahnihten sport pathumah thawhdun a, joint team siam an tum thu hi a sawi a ni. Ram pa­hnihte hi opening leh closing ceremony-ah pawh a huhoin an kal dawn a ni.

Asian Games hi kumin August 18 - September 2 chhung hian Indonesia-ah neih a ni dawn a, he hunah hian Korea ram pahnihten joint team neih an tum chung­changah nimin khan Korea ram aiawhte leh Games buasaihtute chu Jakarata-ah an inhmu a ni. Korea ram pahnihte hian a vawikhatna atan kumin February thlaa South Korea-a Winter Games neihah khan Olympic joint team an lo siam tawh a ni.