Nigeria-a petrol tanker kangah mi pakua thi

Nigeia rama Lagos khuaah petrol tanker chesualin a kang zui a, mi pakua an thi.

Ningani tlai khan tanker hi a brake fail vangin a let a, a oil phurte chu kawngpui lun laiah buain a kang zui a, motor 50 chuang zet a kang tel a ni.

Africa rama oil siamtu lian ber, Nigeria ramah hian oil tanker chetsualna a thleng fo a ni. Kawngpui a ṭhat tawk loh avang leh, a phurtu motor-te hi an ṭhat tawk loh avangin chetsualna a thleng ngun hle.

Ningani zana chetsualna thlen hun hi an ram huna tlai lam dar 5:30 vel a ni a, Lagos khawpuia kawngpui lun ber zinga mi, Lagos-Ibadan inkara thleng a ni. Federal Road Safety Corp (FRSC) aiawhte chuan tanker hian lei a zawh dawnah a brake a fail a, a let ta niin an sawi. Petrol bua hi kang zui nghalin a bula motor-te chu rang takin a mankai a ni.