China President-in US Secretary of Defence hmu

China President Xi Jinping chuan an ram tlawha zin, US Secretary of State Jaes Mattis chu Beijing-ah meeting a neihpui.

Xi chuan China-US inlaichinna chu khawvela inzawmna pawimawh ber zinga mi a nih thu a sawi. Kawng tam takah ram pahnihte chuan duh thuhmun a nei a ni tih sawiin, inrintawnan leh thawhdunna ṭha tak nen an inkar boruak ṭha zawksiam an tum a ngai a ni, a ti. Xi chuan ram pahnih sipaite chuan thawhdunna ṭha zawk an neih a, inrintawnna te neiin inzawmna ṭha an siam a duh thu a sawi a, hei hi an inlaichinna tihnghehna tur atana thil pawimawh tak a ni, a ti.

Mattis pawhin US chuan China nena an inlaichinna chu a dah pawimawh hle tih sawiin, an inzawmna tihnghehna kawngah sipaite chuan dinhmun pawimawh tak an chelh a ni, a ti bawk. Mattis hian US President Donald Trump-ah duhsakna thu a thawn pawh Xi hi a hlan nghal bawk.