South Korea-a US sipaite headquarters tharah insawn

South Korea-a US sipai, U.S. Forces Korea (USFK) te chu nimin khan Seoul chhim lam an headquarters tharah an insawn. Headquarters sawn tur hian kum 2003 khan SKorea leh US chuan inremna an lo siam tawh a ni.

USFK headquarters thar hi Seoul chhim lam km 70 vela hla, Pyeongtaek-a Camp Humphreys-ah sawn a ni. Headquarters thar hawnna inkhawm buatsaihah hian ram pahniha sipai leh sorkar official 300 vel an tel a, an zingah hian USFK commander Gen. Vince Brooks, South Korean Defense Minister Song Young-moo leh National Security Office (NSO) a deputy director Lee Sang-chul te an tel. SKorea President Moon Jae-in a thuchah chu NSO deputy director hian a chhiar chhuak bawk.

Headquarters thar hi square meter 24,000 a zau niin main building pali a awm a, um 10 chhung zet siam niin a siamna senso zinga 90% chuang zet hi SKorea sorkarin a tum a ni.