Iraq PM-in IS laka beihpui thlak turin thu pe

Iraq Prime Minister Haider al-Abadi chuan Ningani khan Islamic State (IS) firfiak laka beihpui thlak turin thupek a tichhuak.

IS firfiak pawl hian tunhnaiah Iraq ram hmun hrang hrangah pawikhawihna thlenin, mi an rubo fo a, hei vang hian Iraq force commander-in-chief Abadi chuan Counter Terrorism Services (CTS) te chu firfiakte laka beihpui thlak nghal tur hian a ti, a ni.

Abbad hian CTS headquaters pawh tlawhin, commander-te chu beihpui thlak dan chungchang pawh a sawipui tawh bawk. PM chuan, "IS lak aṭangin kan ram kan lalet ang tia kan lo tiam tawh chu kan tipuitling tawh a, tunah IS firfiakte tibo turin beihpui kan thlak leh dawn tih ram mipuite hnenah kan tiam leh a ni", a ti.

IS te chua an ram chhung khawi hmun mah an thununna hnuaiah an dah tawh lo a, an member-te pawh tlangah biruin, heng mite dapchhuah vek hi an tum dawn tih, PM chuan a sawi.

Iraq sipaite chuan tunkar tir lam khan Diyala leh Salhudin province inkara Sarha khaw bulah IS hoin an rukbo hnua an tihhlum, mi pariat ruang an chhar a, an zinga paruk chu police an ni.