Interpol President atan UAE official thlang

International Criminal Police Organization, Interpol chuan Istanbul-a annual General Assembly an neihah president atan United Arab Emirates (UAE) official Maj.Gen. Ahmed Naser al-Raisi an thlang. President term hi kum li a ni.

Interpol President atana thlan thar, Maj Gen al-Raisi hi human rights group lam chuan UAE-a mihring dikna palzut leh mi nghaisaknaa tel, dan kalha mi mannaah pawh lo inhnamhnawih tawha an puh a ni a, hei vang hian Interpol hruaitu lu ber atana thlan a ni hian sawizui pawh a hlawh hle. Al-Raisi lakah hian ram pangaah complaint thehluh a ni a, complaint thehluhna ram zingah hian Interpol headquarters awmna, France leh hruaitu thar thlanna an neihna hmun, Turkey ram pawh an tel.

Kum 2018 khan Interpol president atana China mi thlan hmasa ber, Meng Hongwei chu a term a hman laiin chin hriat lohin hun eng emaw chen a awm a, mahse a hnua thamna lak leh pawikhawihna dangah inhnamhnawihah China hotuten an hreng tih hriatchhuah a ni.

International law enforcement body-a America rama vice president for Brazil mi Valdecy Urquiza leh, Africa rama vice president atan Nigeria mi Garba Baba Umar-te thlan an ni bawk.