Korea ram pahnihten communication channel hawng

North leh South Korea-te chuan Pathianni khan maritime communication channel an hawng leh ta a, hemi hmang hian ram pahnih lawnglian te chu kum 10 chhunga a ṭum khatna atana radio hmangin an inbepawp thei tawh dawn a ni.

Pathianni zing dar 9 vel khan South Korean Navy-ten international channel hmanga an biakna chu North Korea patrol lawng chuan a lo chhang ve nghal niin South Korea Defence Ministry chuan a tarlang. He thil hi April 27-a Korea ram pahnih hruaituten an inkar boruak siamṭha tura inremna an lo siam tawh hmalakna kal zel a nih thu ministry chuan a tarlang bawk.