California-ah darkar 24 chhungin ram acre 22,000 kang

US-a California-a Yolo County-ah kar kalta Inrinni khan ram a kang a, darkar 24 chhungin ram acre 22,000 a zau a kang chhe hman a, mi tam tak hmun him lamah insawnchhuah tir an ni.

Cal Fire chuan Inrinni tlai lama ram kang, Guinda Fire tih an vuah hi thli lum a tleh tel avangin a kangkai chak hle tih a sawi. Ram kang hi kangṭhelhtu 20, khawl 110 leh helicopter 12 hmangin ṭhelh a ni. He kangmei chhuak hian in kan chhiat erawh a nei lo niin a sawi.

Inrini tlai vek khan Lake County hmarthlang lama ram kang, Pawnee Fire-in a kan ram 70% zet ṭhelh mit tawh pawh a kang ṭha leh niin Cal Fire chuan a sawi bawk. Pawnee Fire hi kangṭhehltu 1,000 chuangin an ṭhelh mek a ni.